विशेष रिपोर्ट

दिलिप हत्याको आज पाँच वर्ष पुरा, सहिद घोषणाको माग ओझेलमा

657 Shares ढल्केवर— अवैद्य नदी दोहनविरुद्धको अभियानमा लागेका धनुषाका दिलीप महतो(ओमप्रकास)को हत्या भएको आज ठ्याक्कै पाँच वर्ष पूरा भएको छ । २५ पुस २०७६ को […]
[sharethis-inline-buttons]
दिलिप हत्याको आज पाँच वर्ष पुरा, सहिद घोषणाको माग ओझेलमा
657
Shares

ढल्केवर— अवैद्य नदी दोहनविरुद्धको अभियानमा लागेका धनुषाका दिलीप महतो(ओमप्रकास)को हत्या भएको आज ठ्याक्कै पाँच वर्ष पूरा भएको छ ।

२५ पुस २०७६ को झिसमिसे बिहानीमा धनुषाको मिथिला नगरपालिका–५ श्रीपुरका दिलीपलाई क्रसर डनले क्रुर हत्या गरेका थिए । क्रसर गुण्डाले दिलिपलाई कोखमा‘लिभर’प्रहार गरी सख्त घाइते बनाएर टिपरले किचेर हत्या गरेका थिए । चुरे दोहन रोक्नुपर्ने, अबैध उत्खनन् र क्रसर उद्योग बन्द गर्नुपर्ने उनको चोटिलो आवाज खोला तस्करको तारोमा परेर दिलिपको हत्या गरिएको थियो । सोही दिनको स्मरणमा आज दिलीपको पाँचौं स्मृति दिवस मनाइँदै छ ।

दिलिपको हत्या घटनाका मुख्य योजनाकार चुरियामाइ बालुवा प्रशोधन उद्योगका सञ्चालक विपीन महतो र कामदार मुनिन्द्र महतो र हत्याका मतियार ठहर भएको रंजित भनिने जितेन्द्र कुमार महतो जेल जीवन बिताइरहेका छन् । उनीहरुलाई न्यायलयले दोषी ठहर गर्दै कारागार पठाएका हुन् ।

धनुषा जिल्ला अदालतले गत फागुन १२ गते घटनामा मुख्य योजनाकार चुरियामाइ बालुवा प्रशोधन उद्योगका सञ्चालक विपीन र कामदार मुनिन्द्र महतोलाई २५–२५ वर्ष कैद र ५–५ लाख क्षतिपूर्ति तिर्न फैसला सुनाइएको थियो । न्यायाधीश चित्रबहादुर गुरूङको इजलासले उक्त फैसला भएको थियो ।

त्यस्तै हत्याका मतियार ठहर भएको रंजित भनिने जितेन्द्र कुमार महतोलाई साढे १२ वर्ष कैद र २ लाख ५० हजार रुपैयाँ क्षतिपूर्ति तिर्न फैसला जिल्ला अदालतले सुनाएको थियो । त्यही मुद्दामा क्रसर सञ्चालक विपीनका दाइ विनोद महतो, कामदारहरू सत्यनारायण महतो, शत्रुघन महतो र रोशनकुमार यादवलाई भने जिल्ला अदालतले सफाइ दिएका थिए ।

उक्त फैसलाविरुद्ध असन्तुष्टि जनाउँदै दिलिपका बुबा रामजीवनले गत बैशाख २५ गते उच्च अदालत जनकपुरमा पुनरावेदन गरेका थिए । सातैजना दोषी रहेको भन्दै रामजीवनले पुनरावेदन दिएका थिए । जिल्ला अदालतले दोषी ठहर गरेर कैद सजाय सुनाएका विपीन महतो, मुनिन्द्र महतो र रञ्जित भनिने जितेन्द्र कुमार महतोले पनि नेपाल सरकारलाई प्रतिवादी बनाएर उच्च अदालतमा मुद्दा दायर गरेका थिए ।

उच्च अदालत जनकपुरले भने गत माघ २४ गते दिलिप महतोको हत्या मुद्दासँग सम्बन्धित ती सबै मुद्दामा जिल्ला अदालतकै फैसला सदर गरिदियो । तर, दिलिपका परिवार अझै सन्तुष्ट छैनन् । सातैजना दोषी ठहर हुनुपर्ने भन्दै दिलिपका बुबा रामजीवनले उक्त मुद्दा लिएर सर्वोच्च पुगेका छन् ।

यता, दिलिपलाई प्रथम पर्यावरण शहिद घोषणाको माग भने ओझेलमा परेको छ । दिलीपलाई प्रथम पर्यावरण सहिद घोषणा गर्नुपर्ने माग अझै जनस्तरबाट उठिरहेको छ । तर, उक्त मागलाई तीनै तहको सरकारले बेवास्ता गरेको दिलीपकी बहिनी लक्ष्मी गुनासो गर्छिन् । न्याय दिलाउने वाचा गरेका नेताहरूले पनि आफ्नो कर्तव्य निर्वाह नगरेको उनले दुखेसो पोखिन् ।

दिलिपको पाँच स्मृती दिवस काठमाडौंमा मनाइदैछ । दिलिपलाई प्रथम पर्यावरण सहिद घोषणाको माग गर्दै काठमाडौंको माइतीघरमा पाँचौं स्मृति दिवस मनाउन लागिएको ओम प्रकास महतो दिलिप पर्यावरण संरक्षण प्रतिष्ठानका सचिव फुलगेन मगहीले जानकारी दिए ।

प्रतिक्रिया

अझै कुनै प्रतिक्रिया छैन। पहिलो प्रतिक्रिया दिनुहोस्!

प्रतिक्रिया व्यक्त गर्नुहोस्

सम्बन्धित खबर