धनुषा- पञ्चायतकालमा लगातार तीनपटक प्रधान बनेका बटेश्वर गाउँपालिका–१ निवासी बौएलाल महतोको निधन भएको छ । महतोको शुक्रबार ८५ वर्षको उमेरमा निधन भएको हो ।
स्थानीयस्तरमा लामो समयसम्म नेतृत्वदायी भूमिकामा रहेका महतो पञ्चायतकालमा लगातार तीनपटक प्रधान बनेका थिए । स्थानीय सामाजिक तथा सार्वजनिक गतिविधिमा समेत सक्रिय रहेका उनको निधनले गाउँमा शोक छाएको छ ।
महतोको निधनप्रति स्थानीयवासी तथा शुभेच्छुकहरूले दुःख व्यक्त गर्दै श्रद्धाञ्जली अर्पण गरेका छन् ।
