विशेष रिपोर्ट

मधेशका मुख्यमन्त्री भन्छन् : कर्मचारीमा काम गर्ने मनसाय कम देखियो

657 Shares धनुषा— मधेश प्रदेश सरकारका मुख्यमन्त्री सतिशकुमार सिंहले प्रदेशका कर्मचारीमा काम गर्ने मनसाय कम देखिएको बताएका छन् । अर्थ मन्त्रालयको आयोजनामा बिहीबार जनकपुरधाममा राखिएको […]
[sharethis-inline-buttons]
मधेशका मुख्यमन्त्री भन्छन् : कर्मचारीमा काम गर्ने मनसाय कम देखियो
657
Shares

धनुषा— मधेश प्रदेश सरकारका मुख्यमन्त्री सतिशकुमार सिंहले प्रदेशका कर्मचारीमा काम गर्ने मनसाय कम देखिएको बताएका छन् ।

अर्थ मन्त्रालयको आयोजनामा बिहीबार जनकपुरधाममा राखिएको विनियोजन विधेयक २०८२ का लागि मस्यौदाको सुझाव संकलन कार्यक्रममा मुख्यमन्त्री सिंहले पछिल्लो समयमा प्रदेशका हरेक मन्त्रालयमा कार्यरत कर्मचारी काम गर्ने मनसायमा कमै देखिएको बताएका हुन् ।

कर्मचारीको ढिलासुस्तीले प्रदेश सरकारको कामकारबाहीमा प्रश्न उठिरहेकाले यो आचरणलाई तत्काल सुधार गर्न उनले निर्देशनसमेत दिए ।

कार्यक्रममा सहभागी सचिवलाई मुख्यमन्त्री सिंहले भने, ‘यो प्रवृत्तिले प्रदेश सरकारको कार्यक्षमता माथि नै प्रश्न उठ्छ, त्यसकारण यसलाई तपाईंहरू सुधार गर्नुस् । उत्कृष्ट काम गर्ने कर्मचारीलाई मनोबल बढाउन पुरस्कार र लापरबाही गर्ने कर्मचारीको घटुवा हुने व्यवस्था गर्नुस्, तबमात्रै यो समस्या समाधान हुन्छ ।’

कार्यक्रममा अर्थमन्त्री सुनील यादवले कार्यविधिले बजेट खर्च हुन नसकेको बताए ।

रकमान्तर, आयोजना तथा कार्यक्रमको संशोधन, एकमुष्ट विनियोजित बजेटको बाँडफाँट, नयाँ योजना तथा कार्यक्रम, बजेट निर्माण, कार्यविधि निर्माण गर्ने अधिकार, विगतको बक्यौता रकमसहितका १० वटा एजेन्डामाथि छलफल भएको थियो ।

संघीय नीतिलाई मध्यनजर गरेर जान सचिवहरूको सुझाव थियो । रासस

प्रतिक्रिया

अझै कुनै प्रतिक्रिया छैन। पहिलो प्रतिक्रिया दिनुहोस्!

प्रतिक्रिया व्यक्त गर्नुहोस्

सम्बन्धित खबर