विशेष रिपोर्ट

मधेसमा हावाहुरीकाे वितण्डा : दुई विद्यार्थीसहित ३ जनाको मृत्यु

657 Shares धनुषा— मधेश प्रदेशमा शुक्रवार विहानैदेखि हावाहुरीले वितण्डा मचाएको छ । तीव्र गतिमा चलिरहेको हावाहुरीका कारण धनुषामा दुई विद्यार्थी र रौतहटमा एक महिला गरी […]
[sharethis-inline-buttons]
मधेसमा हावाहुरीकाे वितण्डा : दुई विद्यार्थीसहित ३ जनाको मृत्यु
657
Shares

धनुषा— मधेश प्रदेशमा शुक्रवार विहानैदेखि हावाहुरीले वितण्डा मचाएको छ । तीव्र गतिमा चलिरहेको हावाहुरीका कारण धनुषामा दुई विद्यार्थी र रौतहटमा एक महिला गरी तीनजनाको मृत्यु भएको छ ।

धनुषाको सबैला नगरपालिका-१२ स्थित फकिरचन्द उच्च माध्यमिक विद्यालयको प्राङ्गणमा हावाहुरीका कारण रुख ढल्दा दुई जनाको मृत्यु भएको जिल्ला प्रहरी कार्यालय धनुषाले जनाएको छ । मृत्यु हुनेमा धनुषा सबैलाको महेन्द्र सदाकी ८ वर्षीया छोरी प्रतिमा कुमारी सदा र चन्देश्वर सदाका ७ वर्षीय छोरा अरविन्द सदाको मृत्यु भएको धनुषाका प्रहरी प्रवक्ता एवम डीएसपी जितेन्द्र बस्नेतले जानकारी दिए ।

उनले ठूलो हावाहुरीका कारण विद्यालय प्राङ्गणमा रहेको मसालाको रुख ढल्दा दुबै जनाको टाउकोमा चोट लागेर घटनास्थलमै मृत्यु भएको बताए ।

यस्तै रौतहटमा एक जना महिलाको घरमा च्यापिएर मृत्यु भएको छ । शुक्रवार दिउँसो करिब १२ बजे जिल्लाको बौधीमाई नगरपालिका १ अजगैबी बस्ने राम मंगल राय यादवकी ४५ वर्षीया श्रीमती फुलमतिया देवीको आफ्नै खपडाले छाएको गोठ घरमा मृत्यु भएको हो ।

घर गोठमा वसिरहेको अवस्थामा वर्षा र हावाहुरीको कारण घर भत्किन जाँदा इट्टा, खपडा र काठले च्यापिएर घाइते भइ उपचारको लागि मौलापुरतर्फ लैजाने क्रममा बाटोमा मृत्यु भएको जिल्ला प्रहरी कार्यालय रौतहटले जनाएको छ।

फाइल फोटो

प्रतिक्रिया

अझै कुनै प्रतिक्रिया छैन। पहिलो प्रतिक्रिया दिनुहोस्!

प्रतिक्रिया व्यक्त गर्नुहोस्

सम्बन्धित खबर