ढल्केवर- धनुषामा ७ वर्षीया बालिका बलात्कार गरेको आरोपमा प्रहरीले एक वृद्धलाई पक्राउ गरेको छ ।
मिथिला नगरपालिकामा बालिका बलात्कार गरेको आरोपमा छिमेकी ६५ वर्षीय कुमारबहादुर मगरलाई पक्राउ गरिएको जिल्ला प्रहरी कार्यालय धनुषाले जनाएको छ ।
धनुषका प्रहरी नायव उपरिक्षक मकेन्द्र मिश्रका अनुसार आइतबार दिउँसो कुखुरा फर्ममा बालिकालाई बोलाएर ती बृद्धले जबरजस्ती करणी गरेका थिए ।
मगरलाई इलाका प्रहरी कार्यालय ढल्केबरको हिरासतमा राखेर अनुसन्धान भइरहेको छ ।
सोमबार सार्वजनिक बिदा भएकोले मंगलबार जिल्ला अदालतमाबाट म्याद थप हुने उनले बताए ।
पीडित बालिकाको प्रदेशिक अस्पताल जनकपुरमा स्वास्थ्य परीक्षण गरी घटना सम्बन्धमा थप अनुसन्धान भइरहेको प्रहरी नायव उपरिक्षक मिश्रले जनाए ।
-टुडेपाटी
