एजेन्सी- भारतको संविधानको ‘मूल संरचना सिद्धान्त’ लाई निर्धारित गर्ने ऐतिहासिक निर्णयका प्रमुख याचिकाकर्ता केशवानन्द भारतीको निधन भएको छ । उनी ७९ वर्षका थिए ।
उनले आइतबार बिहान केरलको उत्तरी जिल्ला कासरगोडमा रहेको इडनीरको आफ्नो आश्रममा अन्तिम सास फेरे ।
केशवानंद भारतीको नाम भारतको इतिहासमा दर्ता हुनेछ । ४७ वर्ष अघि सर्वोच्च अदालतले केशवानंद भारती भर्सेस स्टेट अफ केरल मामिलामा एक ऐतिहासिक निर्णय सुनाएको थियो जसअनुसार संविधानको प्रस्तावनाको मूल ढाँचालाई परिवर्तन गर्न सकिँदैन ।
यो निर्णयका कारण उनलाई संविधानका रक्षक पनि भनिन्थ्यो ।
