जनकपुरधाम— धनुषामा स्थानीय प्रशासनले निषेधाज्ञा जारी गर्ने तयारी गरेको छ ।
कोरोना संक्रमणको हटस्पट बन्न थालेपछि जिल्लामा स्थानीय प्रशासनले निषेधाज्ञा जारी गर्ने तयारी गरेको हो ।
निषेधाज्ञा गर्ने विषयमा आज जिल्ला संकट व्यवस्थापन समितिको बैठक बस्न लागेको हो । बैठकले जनकपुरसहित जिल्ला भरि निषेधाज्ञा जारी गर्ने विषयमा निर्णय लिने धनुषाका प्रमुख जिल्ला अधिकारी बन्धु प्रसाद बास्तोलाले जानकारी दिए ।
हाल धनुषामा सक्रिय संक्रमितको संख्या ४ सय २० पुगेको छ ।
