gjlgo'Qm k|dsf] kb tyf uf]klgotfsf] zky /fi6«klt ljBfb]jL e08f/Ln] /fi6«klt sfof{no zLtn lgjf;df d+unaf/ ;fFem gjlgo'Qm k|wfgdGqL z]/axfb'/ b]pjfnfO{ kb tyf uf]klgotfsf] zky u/fpg'x'Fb} . tl:j/ M M k|lbk/fh jGt, /f;;

काठमाडौं— प्रधानमन्त्रीमा नियुक्त शेरबहादुर देउवा मंगलवार साँझ साढे ६ बजे शपथ ग्रहणका लागि बूढानीलकण्ठबाट बाहिरिए । देउवा पाँचौंपटक प्रधानमन्त्रीमा नियुक्त भएका थिए ।

तर राष्ट्रपति कार्यालयले प्रधानमन्त्री नियुक्त गर्न देउवालाई पठाएको पत्रमा भने संविधानको कुन व्यवस्था र धाराअनुसार नियुक्त हुने भन्ने स्पष्ट उल्लेख नभएकाले देउवालाई चित्त बुझेन ।

उनले पहिले मुख्यसचिव शंकरदास बैरागीमार्फत नियुक्तिको व्यहोरामा असन्तुष्टि जनाए । त्यसपछि शितलनिवास पुगेरै सोबारे आफ्नो धारणा राखे ।

देउवानिकट एक नेताका अनुसार उनले सर्वोच्च अदालतको फैसलाअनुसार संविधानको धारा खुलाएरै नियुक्ति र शपथ चाहेका थिए । बूढानीलकण्ठबाट शितलनिवास पुगेपछि उनले त्यो सूचना सच्चिनैपर्ने अडान राष्ट्रपतिसमक्ष राखे र संविधानको धारा ७६(५) उल्लेख गरेर सूचना सच्याएरै राष्ट्रपति कार्यालयले देउवालाई शपथ गरायो ।

राष्ट्रपति कार्यालयले ६ बजेका लागि तय गरेको शपथ सूचना सच्याएपछि राति ८ः२० बजे अर्थात् तोकिएको समयभन्दा करीब साढे २ घण्टा ढिला भएको थियो ।

यसबीचमा करीब डेढ घण्टा देउवा सहितका गठबन्धन आवद्ध नेताहरू राष्ट्रपति कार्यालयमा पर्खाइमा परे । तर सर्वोच्च अदालतले भने सोमवार संविधानको धारा ७६(५) अनुसारको प्रधानमन्त्रीमा देउवालाई नियुक्त गर्न परमादेश जारी गरेको थियो ।

तर राष्ट्रपति कार्यालयले जारी गरेको विज्ञप्तिमा भने सर्वाेच्च अदालत संवैधानिक इजलासको फैसलाबमोजिम देउवालाई प्रधानमन्त्री नियुक्त गरिएको उल्लेख गरिएको थियो । राजधानी दैनिकमा खबर छ ।