काठमाडाैं— भक्तपुरको मध्यपुरथिमि नगरपालिका-१, लोकन्थली रमाइलो चोकस्थित निर्माणाधीन चारतले घरको छतबाट खसेर एक महिलाको मृत्यु भएको छ ।
राति घरको छतमा सुत्न जाने क्रममा रेलिङ नभएको भर्याङबाट लडेर खस्दा ३० वर्षीया लीला सदाको मृत्यु भएको हो ।
उनी परिवारसहित सोही घरमा काम गर्न बसेकी थिइन् ।
सिन्धुली दुधौली घर भएका रामकुमार सदा, श्रीमती र छोरी तीन जनाको परिवार निर्माणाधीन घरमा काम गर्न बसेको महानगरीय प्रहरी परिसर भक्तपुरका वरिष्ठ प्रहरी उपरीक्षक दीपक गिरीले बताए ।
राति १० बजे खाना खाएर छतमा सुत्न जाँदा घटना भएको प्रारम्भिक अनुसन्धानमा खुलेको महानगरीय प्रहरी परिसर भक्तपुरका वरिष्ठ प्रहरी उपरीक्षक दीपक गिरीले बताए । रासस
