प्रदेश २ मा एक लाख १० हजार बढीको स्वाब सङ्कलन

जनकपुरधाम- प्रदेश २ मा पछिल्लो २४ घण्टामा १३२ जना नयाँ सङ्क्रमित थपिएको छ । यसका साथै, सोही अवधिमा सप्तरीमा १६, सिरहामा पाँच , धनुषामा एक, महोत्तरीमा सात, सर्लाहीमा ८०, बारामा १४  र पर्सा नौ जना गरी १३२ जना नयाँ सङ्क्रमित थपिएको हो ।

योसँगै प्रदेशमा सङ्क्रमितको सङ्ख्या ११ हजार ८४५ पुगेको  समाजिक विकास मन्त्रालयले जनाएको छ ।

यो समेत यस प्रदेशमा महिला एक हजार ९०७ र पुरुष नौं हजार ९३८ गरी यस प्रदेशमा सङ्क्रमितको सङ्ख्या ११ हजार ८४५ पुगेको छ । ती मध्ये ४२ जना उपचार गराइ आज निको भएर घर फर्केका छन् । योसमेत गरी अहिलेसम्म ६ हजार ३११ जना निको भएर घर फर्केका हुन् ।