पीएसजीको सनसनीपूर्ण जीत, २५ वर्षपछि सेमिफाइनलमा

एजेन्सी- पेरिस सेन्ट जर्मेनले एटलान्टाविरुद्ध सनसनीपूर्ण पुनरागमन गर्दै पछिल्लो २५ वर्षमा पहिलो पटक च्याम्पियन्स लिगको सेमिफाइनलमा प्रवेश गरेको छ ।

एटलान्टाका मारियो पासालिचको गोलको कारण हारतर्फ अग्रसर बनेको पीएसजीले खेलको अन्तिम मिनेटमा गोल फर्काउँदै उत्कृष्ट पुनरागमन गर्न सफल भएको हो ।

ब्राजिलियन फरवार्ड नेयमारको पासमा मार्किन्होसले बराबरी गोल फर्काए भने इन्जुरी समयमा किलियान एम्बाप्पेले एरिक म्याक्सिम चुपो–मोटिङका लागि विजयी गोलका लागि अवसर सृजना गरे ।

पीएसजीले अब अर्को मंगलबार हुने सेमिफाइनलमा आरबी लेइपजीग र एथ्लेटिको म्याड्रिडबीचको विजेतासँग खेल्नेछ ।