डा. हुसेनले एक महिनाअघि मात्रै शेख मुजीब मेडिकल युनिर्भसिटी बंगलादेशबाट पढाइ पूरा गरेका थिए ।
कोरोना संक्रमितको उपचारमा समेत खटिएका डाक्टर हुसैनसँगै वीरगञ्ज हेल्थ केयरका ५ जना चिकित्सकलाई एकैपटक कोरोना संक्रमण पुष्टी भएको थियो ।
वीरगञ्ज हेल्थ केयरका सञ्चालक डा. अबुल हैस अन्सारीका अनुसार डा. हुसैनको एक साता जति वीरगञ्जमै राखेर उपचार चलिरहेको थियो । तर स्वास्थ्यमा सुधार नभएपछि १० दिनअघि हेलिकप्टरबाट काठमाडौं लगिएको थियो ।
‘संक्रमण पुष्टी भएपछि डाक्टर उदय नारायण सिंहले हेर्नुभएको हो, छातीको सिटी गराउनेवित्तिकै भर्ना गर्नुपर्छ भनेर सल्लाह दिनुभयो’ अन्सारीले भने, ‘दुवै फोक्सोमा कोभिड निमोनिया देखिएको थियो, स्वास प्रश्वासमा पनि समस्या थियो ।’
साभार : अनलाइनखबर
