काठमाडौं— राष्ट्रिय ध्वजावाहक नेपाल वायुसेवा निगम (नेपाल एयरलाइन्स)ले ओमानको मस्कटबाट ५६० थान अक्सिजन सिलिन्डर ल्याएको छ ।
गैरआवासीय नेपाली संघको सहयोग र नेपाली दूतावास ओमानको सहकार्यमा सहयोगस्वरुप प्राप्त सिलिन्डर निगमको वाइडबडी ए ३३० जहाजले शनिाबर साँझ काठमाडौं ल्याएको हो । अक्सिजन सिलिन्डर लिन निगमको जहाज बिहान मस्कट उडेको थियो ।
यस्तै, चीनको राजधानी बेजिङबाट चीन सरकारले अनुदानमा दिएको अक्सिजन सिलिन्डर लिन निगमको वाइडबडी जहाज शनिबारै राति ११ बजे त्यसतर्फ जाने बताइएको छ । रासस
