![](https://sancharbureau.com/wp-content/uploads/2022/12/Photo-pustak-lokarpan-scaled.jpg)
ढल्केवर— मगही भाषाका लोक कथा संग्रह ‘मधुकर बाबा’ लोकार्पण गरिएको छ ।
आईतबार जनकपुरधाममा एक कार्यक्रमका बीच मगही भाषा अभियानी तथा साहित्यकार उपेन्द्र दासको ‘मधुकर बाबा’ मगही लोक कथा संग्रह विमोचन गरिएको हो । पुस्तकको मधेश प्रदेशका पूर्व आन्तरिक मामिला तथा कानूनमन्त्री ज्ञानेन्द्र कुमार यादवले विमोचन गरेका हुन् ।
दास जातिको कुलदेवतामा आधारित उक्त पुस्तकमा २२ ओटा लोक कथाहरु समेटिएको छ । मगही भाषा साहित्यलाई उजागर गर्ने उद्देश्यले लोक कण्ठका कथाहरुलाई एकठाउँ संकलन गरी संरक्षण गरेको र युवा पुस्तालाई हस्तान्तरण गरेको पुस्तकका लेखक एवं अभियानी दासले बताए ।
कार्यक्रममा मगही भाषा एवं पिछडावर्गका संस्थापक अध्यक्ष भरत प्रसाद महतो, समाजसेवी सन्त सत्यनारायण आलोक बाबा, मगही भाषा अभियानीहरु, लेखक तथा साहित्यकारहरुको उपस्थिती रहेको थियो ।