- फुलगेन मगही
ढल्केवर— धनुषाको ढल्केवरमा मगही झिझिया नृत्य प्रतियोगिता हुने भएको छ ।
अप्पन मिडिया प्रोडक्सन हाउस प्रा.लिको आयोजनामा असोज १४ गते झिझिया नृत्य प्रदर्शनी प्रतियोगिता हुने भएको हो ।
हिन्दुहरुको महान चाडपर्वलाई लक्षित गरी भाषा, संस्कृतिको संरक्षण, सम्बद्र्धन गर्नको लागि समाजमा जनचेता फैलाउने उद्देश्यले उक्त प्रतियोगिताको आयोजना गर्न लागिएको मगही भाषा अभियानी विजय कुमार दासले जानकारी दिए ।
समाजमा दिनप्रतिदिन अश्लीलता बढ्दै गईरहेको र संस्कृतिमा ह्रास हुँदै गईरहेको हुनाले आफ्नो संस्कृतिलाई पहिचान गर्नका लागि पनि यो कार्यक्रमको उद्देश्य रहेको अभियानी दासले बताए ।
उनका अनुसार प्रतियोगितामा प्रथम, द्वितिय र तृतिय स्थान प्राप्त गर्ने समुहलाई नगदसहित प्रमाण पत्र प्रदान गरी पुरस्कृत गरिने छ ।
प्रतियोगिता ढल्केवर पश्चिम चौकमा साँझ ६ बजेदेखि सुरु हुने आयोजकले जनाएको छ ।
