एजेन्सी— पाकिस्तानका प्रधानमन्त्री इमरान खानको पार्टी पाकिस्तान तहरिक–ए–इन्साफ (पिटिआई) का ४९ वर्षका नेता तथा सांसद आमिर लियाकत हुसैन आजकाल खुब चर्चामा आएका छन् ।
लियाकत हुसैनले ट्वीटरमा आफूले १८ वर्षकी सैयदा दानियासँग विवाह गरेको र यो उनको तेस्रो विवाह हो भनेर जानकारी दिएका थिए । यी दुईबीच करिब ३१ वर्षको अन्तर छ ।
लियाकत हुसैनको ट्वीटको ठिक एक दिन अघि उनकी दोस्री श्रीमती सैयदा तुबा अनवरले एक इन्स्टाग्राम पोस्टमा सम्बन्धविच्छेदबारे जानकारी दिएकी थिइन् ।
उनले लेखेकी थिइन्, ‘भारी मनले, म आफ्नो जीवनमा भएको परिवर्तन बारे जानकारी दिन चाहन्छु । मेरा परिवार र नजिकका साथीलाई थाहा छ कि १४ महिना अलग बसेपछि यो स्पष्ट भइसकेको थियो कि अब मिलापको कुनै आशा नै छैन र मैले अदालतबाट सम्बन्धविच्छेदको विकल्प छान्नुपर्यो । ’
तुबा अनवरले यसै पोस्टमा लेखेकी छिन्, ‘म भन्न सक्दिनँ कि यो कति मुश्किल रह्यो तर म भगवानलाई विश्वा गर्छु । म सबैलाई अपिल गर्छु कि मुश्किलले भरिएको यो समयमा मेरो निर्णयको सम्मान गरियोस् ।’
व्यावसायिक रुपमा टिभीकी प्रस्तोता, २८ वर्षकी तुबा अनवर र लियाकत हुसैनले सन् २०१८ मा विवाह गरेकी थिइन् । त्यतिबेला लियाकत हुसैनकी जेठी श्रीमतीले उनले फोनमा सम्बन्धविच्छेद दिएको बताएकी थिइन् ।
लियाकत हुसैनकी जेठी श्रीमती सैयदा बुशरा इकबालले त्यतिबेला इन्स्टाग्राम पोस्टमार्फत् उनका श्रीमानले दोस्री श्रीमतीको अगाडि फोनमा उनीसँग सम्बन्धविच्छेद गरेको बताएकी थिइन् । लियाकतले तुबाको निर्देशनमा यस्तो गरेको आरोप लगाएकी थिइन् ।
१० फेब्रुअरीमा नै आमिर लियाकत हुसैनले आफ्नी तेस्री श्रीमतीबारे जानकारी दिए ।
लियाकत हुसैनले उनले दक्षिण पंजाबको लोधरानमा बस्ने सआदत परिवारकी सैयदा दानिया शाहसँग विवाह गरेको जानकारी दिँदै उनको उमेर १८ वर्ष भएकोसमेत बताए । लियाकतले आफ्ना शुभचिन्तकसँग आशीर्वादको अपिल गरेका छन् ।
Tie a knot with,Syeda Dania Shah,18,belong to an honourable Najeeb ut Tarfain“Sadaat”Family of Lodhran,South Punjab, saraiki,lovely,charming, simple&darling.I would like to request all of my well wishers,please pray for us, I have just passed the dark tunnel, it was a wrong turn. pic.twitter.com/gO7nVO4pwj
— Aamir Liaquat Husain (@AamirLiaquat) February 10, 2022
श्रीमान् श्रीमतीबीचको उमेर अन्तर ३१ वर्षको हुनु असामान्य हो । पाकिस्तानको कानूनले १८ वर्षको उमेरमा विवाहको अनुमति दिन्छ । तर हुसैनको विवाहले पाकिस्तानमा के कम उमेरमा बेहुलीलाई प्राथमिकता दिइन्छ ? र यो मुलुकमा यी सबै कुरा सामान्य हुन् भनेर प्रश्न निम्त्याएको छ ।
पाकिस्तानकी एक ट्वीटर प्रयोगकर्ता सोहनीले लियाकत हुसैनको विवाहबारे लेख्छिन्, ‘हरेक वैध चिज सधैँ सही हुँदैनन् । के ५० वर्षका व्यक्तिले १८ वर्षकी किशोरीसँग विवाह गर्नु वैध हो ? हो, तर दुलहाको उमेरसँग तुलना गर्ने हो भने के उनी अहिले पनि बच्ची नै होइनन् ? हो, जब उनी जन्मिएकी थिइन् तब दुलहा ३२ वर्षका थिए । ’
सोहनीले अर्को एउटा ट्वीटम लेखिन्, ‘जब तपाईं आफूभन्दा निकै सानी वा किशोरावस्थामा भएकीससँग विवाह गर्नुहुन्छ भने तपाईं एक गलत शक्ति सन्तुलन बनाउनुहुन्छ । तपाईंको व्यक्तित्व र जीवन पूर्ण रुपमा बनिसकेको छ । तर एक १८ वर्षका किशोर वा किशोरीको हुँदैन । तपाईंले उनलाई आफूले चाहेको जस्तो बनाउन सक्नुहुन्छ त्यसैले धनाढ्य व्यक्तिहरु यस्तै गर्छन् । ’
Some of you must learn that legal does not always mean right. Is it legal for a 50 year old to marry an 18 year old? Yes. In the context of comparing her age to his, is she a child? Yes. He was 32 when she was born. Think about yourself at 32. Now think of a baby.
— sohni (@sohnianika) February 10, 2022
यो विवाहलाई आलोचना गर्ने सोहनी एक्ली होइनन् । फलक नामकी एक अन्य प्रयोगकर्ता लेख्छिन्, ‘धेरैजसो उमेरदार पुरुष युवतीलाई आफ्नो इशारामा चलाउनका लागि उनीहरुसँग सम्बन्ध स्थापित गर्छन् र उनीहरु नाबालिग हुन् भनेर जायज ठहर गरिन्छ । के उनीहरु सोच्दैनन् कि जब उनीहरु २५ वर्षका थिए तब उनी १० वर्षकी मात्रै हुन्छिन् ।’
So many older guys pursuing young girls to 'mold' them and justifying it only because they're not 'minors'. Don't they think oh she was 10 when I was 25?? https://t.co/5QUgey7sbK
— Fallaq (@skylightx) February 10, 2022
महिन गनी लेख्छिन्, ‘दुर्भाग्यले अधिकांश पाकिस्तानी पुरुष आमिर लियाकत जस्तै छन् । आफ्नी श्रीमती र बच्चालाई छोडेर एक बालिकाजस्तो दुलही खोज्छन् ताकि समाजमा दबदबा बनाउन सकियोस् । यो विषालु चलन जारी छ र पूर्ण रुपमा स्वीकार्य पनि ।’
Most Pakistani men ARE Amir Liaquat. That’s the actual tragedy. Same MO. Leave your wife, abandon your children. Find a child like bride looking for a step up in society. And so the toxic cycle continues-and it’s completely accepted. #amirliaquat #cringe
— Maheen Ghani (@maheenghani_) February 11, 2022
केही ट्वीट प्रयोगकर्ताले दुईबीचको उमेरको भिन्नताबारे मीम पनि सेयर गरेका छन् ।
Amir liaquat and his wife back in 2004#amirliaquat pic.twitter.com/1OyEDCgECQ
— Mahnoor Ali (@mahnooralit) February 10, 2022
यद्यपि, आलोचनाका बीच थुप्रै प्रयोगले हरेक पाकिस्तानी पुरुष आमिर लियाकतजस्ता छैनन् पनि भनिरहेका छन् ।