काठमाडौं- नेपालमा थप ४८४ जनाको कोरोना भाइरसको संक्रमण पुष्टि भएको छ । पछिल्लो २४ घण्टामा ४८४ संक्रमित थपिएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए ।
पछिल्लो २४ घण्टामा देशभरका विभिन्न अस्पतालबाट ६४ जना डिस्चार्ज भएका छन् । त्यसैगरी हालसम्म १६ हजार ७२८ जना डिस्चार्ज भएका छन् ।
हालसम्म देशभर सक्रिय संक्रमितको संख्या ७ हजार ६१४ रहेको छ ।
प्रदेश अनुसार प्रदेश १ मा ६१४ , प्रदेश २ मा ३ हजार ४५७ , वागमती प्रदेशमा १ हजार ५२४ , गण्डकीमा २४७ , प्रदेश ५ मा ६५७ , कर्णाली प्रदेशमा २२० र सुदूरपश्चि प्रदेशमा ८९४ सक्रिय संक्रमितहरु रहेका छन् ।
