जनकपुरधाम— धनुषाको एक विद्यालयबाट ढोका तोडेर दुईवटा ल्यापटपसहित ३२ वटा कम्प्युटर चोरी भएको छ ।
धनुषाको बटेश्वर गाउँपालिका २ भूचक्रपुर स्थित श्रीजन प्रिय माध्यमिक विद्यालयको ढोका तोडेर सोमबार राति ३२ वटा कम्प्युटर चोरी भएको हो ।
विद्यालयका प्रधानाध्यापक राउतले विभिन्न संघसंस्थाले विद्यार्थीलाई अध्ययनको लागि दिएको दुईवटा ल्यापटपसहित ३२ वटा कम्प्युटर, एक एक वटा प्रिन्टर र प्रोजेक्टर कम्प्युटर कक्षाकोठाको ढोका तोडेर चोरी भएको जानकारी दिए ।
बिहान १० बजे शिक्षकहरु पुगेपछि कम्प्युटर चारीको घटना बारे थाहमा भएको प्रअ राउतले बताए ।
घटनास्थलमा इलका प्रहरी कार्यालय सखुवा महेन्द्रनगरको टोलि पुगेर घटाको अनुसन्धन थालेका छन् ।
आफन्त नेपालले दुईवर्ष अघि विद्यार्थीको अध्ययनको लागि पहिलोपटक १६ वटा कम्प्युटर प्रदान गरेको थियो । त्यसै गरी अन्य दुईवटा संघसंस्थले १६ वटा कम्प्युटर विद्यालयलाई उपलब्ध गराएको थियो ।
प्रअ राउतका अनुसार कक्षा ६,७ र ८ का विद्यार्थीहरुले कम्प्युटर सिकाउने गरिएको थियो ।
सो विद्यालयबाट बेलाबेला खानेपानीको लागि जडान गरिएको मोटर, फर्निचर लगायतको सरसमान चोरी हुने गरेको छ । केहि गाउँसमाजकै व्यक्ति विद्यालयलाई धारासायी बनाउन यस्तो क्रियाकलापन गराउने गरेको स्थानीयबासिन्दाको भनाइ छ ।
साभारः टुडेपाटी डटकम
© 2024, All right reserved to Sanchar Bureau
Powered by: Nawa Mithila Sanchar Pvt Ltd
