धनुषा- जिल्लाको मिथिला नगरपालिका वडा नं ३ हरिहरपुरमा अनाथ आश्रम निर्माण सुरु भएको छ ।
मिथिला नगरपालिकाका मेयर हरि नारायण महतो र कबिर बाल आश्रम जनकपुरको सञ्चालक सन्त सत्यनारायण आलोकले कबिर बाल आश्रम जनकपुरको शाखा निर्माणका लागि शिलान्यास गरेका छन ।
आउँ सबै मिलि समाज निर्माणका लागि एक कदम अगाडी बढौं, आफ्नो जीवनको सार्थकता बनाऔँ भन्ने मूलनाराका साथ आश्रम निर्माण सुरु गरेको सन्त आलोकले जानकारी दिए ।
जनकपुरधाम नगरीको राजा जनक रुपी बाबा सन्त सत्यनारायण आलोक साहेबको कार्य सफल तुल्याउन आफ्नो स्तरबाट सक्दो सहयोग गर्ने मेयर महतोले बताए ।
बालबालिका एवम समाज उत्थानका लागि हरिहरपुरको लताम बारीमा कबिर बाल आश्रमको शाखाको रुपमा निर्माण सुरु गरिएको हो ।
निर्माण सुरु गरिएको आश्रममा सक्दो सहयोग गर्न बाबा आलोकले आग्रह समेत गरेका छन ।
साभारः खोजकेन्द्र
