काठमाडौं- नेपालमा थप २ हजार ५९ जनामा कोरोना भाइरसको संक्रमण पुष्टि भएको छ । योसँगै नेपालमा कोरोना संक्रमितको संख्या एक लाख नाघेको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा देशभर दुई हजार ५९ संक्रमित थपिएका हुन् ।
यससँगै कुल संक्रमितको संख्या एक लाख ६७६ पुगेको छ । देशभर आजसम्म सक्रिय संक्रमितको संख्या २७ हजार ५३ रहेको छ ।
पछिल्लो २४ घण्टामा एक हजार ६८० जना देशभरका विभिन्न अस्पतालबाट डिस्चार्ज भएका छन् । त्यसैगरी हालसम्म ७३ हजार २३ जना डिस्चार्ज भएका छन् । हालसम्म डिस्चार्ज हुने दर ७२ दशमलव ५ प्रतिशत रहेको छ ।
यसअघि बिहीबार मात्रै चार हजार ३६४ कोरोना संक्रमित थपिएका थिए भने दुई हजार ६७५ जना डिस्चार्ज भएका छन् ।