काठमाडौं- नेपालमा कोरोना संक्रमितको संख्या ५० हजार नाघेको छ । पछिल्लो २४ घण्टामा कोरोना भाइरसका एक हजार २४६ संक्रमित थपिएसंगै नेपालमा कुल कोरोना संक्रमितको संख्या ५० हजार नाघेको हो ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले पछिल्लो २४ घण्टामा एक हजार २४६ संक्रमित थपिएको जानकारी दिए ।
योसँगै नेपालमा कोरोना संक्रमितको संख्या ५० हजार ४६५ पुगेको छ । देशभर आजसम्म सक्रिय संक्रमितको संख्या १४ हजार ४४८ रहेको छ ।
पछिल्लो २४ घण्टामा एक हजार ८१८ जना देशभरका विभिन्न अस्पतालबाट डिस्चार्ज भएका छन् । त्यसैगरी हालसम्म ३५ हजार ७०० जना डिस्चार्ज भएका छन् । हालसम्म डिस्चार्ज हुने दर ७१ प्रतिशत रहेको छ ।
