काठमाडौं- नेपालमा थप ८३८ जनामा कोरोनाको संक्रमण पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा ८३८ संक्रमित थपिएका हुन् । जसमा २९२ महिला र ५४६ पुरुष रहेका छन् ।
शुक्रबार विभिन्न प्रयोगशालामा गरिएको परीक्षणमा थप ८३८ जनामा कोरोनाको संक्रमण पुष्टि भएको स्वास्थ्य तथा जनसंख्या मन्त्रालयका प्रवक्ता गौतमले जानकारी दिए ।
योसँगै नेपालमा कोरोना संक्रमितको संख्या ३० हजार ४८३ पुगेको छ ।
पछिल्लो २४ घण्टामा देशभरका विभिन्न अस्पतालबाट २५० जना डिस्चार्ज भएका छन् । त्यसैगरी हालसम्म १८ हजार २१४ जना डिस्चार्ज भएका छन् । हालसम्म डिस्चार्ज हुने दर ५९ प्रतिशत ८ रहेको छ ।
आजसम्म देशभर सक्रिय संक्रमितको संख्या १२ हजार १३२ रहेको छ ।
